Arunachal-ah China sipai an lut lo : Rijiju

Union Minister of State for Home, Kiren Rijiju chuan China sipaite Arunachal Pradesh-ah an lut anga sawi chu a dik lo tih Nilaini khan Twitter-ah a tarlang.

Rijiju chuan, Line of Actual Control pela ramri aṭanga Arunachal Pradesh ram chhung km 45 vel zetah China sipaite an lut anga tarlan hi thil dik lo a ni a, thu belhchian dawl lo a ni, a ti. China sipaite hi Arunachal-ah lutin, camp te hial sa anga sawi a lo ni tawh a ni. Hetih lai hian Indo-Tibetan Border Police leh Indian Army-te chuan September 9 khan China sipaite te chu LoC-ah hian an hmu ngei nia sawi a ni. Kum khat chhungin China sipaite hian India luh tumin vawi thum vel an bei ṭhin nia sawi a ni bawk. Ramri chungchangah hian ram pahnihte chuan October 2 hian inbiakna an nei dawn a ni.

China sipaiten Arunachal Pradesh an lut anga sawi a nih hnu hian, junior defence and home minister Subhash Bhamre leh Kiren Rijiju-te chuan 4 Corps headquarters Tezpur chu Thawhṭanni khan an tlawh a, senior Army leh Air Force officer-te meeting an neihpui.

Indian Army leh Chinese People’s Liberation Army-te'n October 2-a Border Personnel Meet (BPM) neih tur chuan ram pahnihte inkara ramri chungchanga innghirnghona awm ṭhin chu a sutkian beisei a ni. Army chief General Dalbir Singh Suhag chu tun thla tir lam khan hmarchhak ramri enfiah tur hian a lo kal tawh bawk.

Rijiju chuan Twitter-ah hian Assam-a Indian Air Force station, Tezpur-a Sukhoi jet manoeuvres che vel video pawh a tarlang a ni.