Assam CM-in Foreign Tribunals term pawtsei turin Union Minister ngen

Assam Chief Minister Sarbananda Sonowal chuan Union Home Minister Rajnath Singh chu foreigners tribunals (FT) term chu kum nga dang pawhsei sak turin a ngen.

Sonowal chuan tun dinhmunah Assam-ah foreigners tribunals 100 an awm mek tih Home Minister a hrilh a, heng zinga 64-te chu Supreme Court thupek anga kum 2004-a bul ṭan a nih thu a sawi. Tribunals hi February 9, 2016 khan an term a tawp a, foreigner-te chungchanga harsatna awm ṭhin sutkian a nih zel theih nan Sonowal chuan Home Minister Singh chu kum nga dang pawhsei sak leh turin a ngen a ni. Assam-a Foreigners tribunals hi Foreigner (Tribunal) Order of 1964 tlawhchhana din niin, India khua leh tui dik takte zawnchhuah hna an thawk a ni.

Assam-ah hian Natio-nal Register of India (NRI) kalpui mek a ni a, hna chak zawka kalpui a nih theih nan leh, a hun taka zawh a nih theihna tura sum pe chhuak rang turin Assam CM chuan Rajnath Singh a ngen bawk. Heng bakah hian ramri hung hna chu Indian Army kuta hlan tur leh Assam-a India Reserve Battalion dah turin Union Home Minister chu a ngen a ni.