Manik Sarkar-a'n Nursing Admission ngaituah ṭhat tiam

Trinamool Congress student wing, Trinamool Congress Chatra Parishad-te'n Indian Nursing Council hnuaia nursing course zir tur, zirlai 348-te college kalna tur thlan dan chungchang ngaihtuah ṭha leh tura state sorkar an ngen angin, ngaihtuah ṭhat leh a nih tur thu Tripura Chief minister Manik Sarkar chuan a sawi.

Sarkar chuan nursing zir tur thlan dan ngaihtuah ṭhat a nih tur thu hi state assembly-ah a sawi a, hemirual hian Trinamool Congress Chatra Parishad-te rawtna anga diak diaka kalpui a nih loh tur thu a sawi. State sorkar chuan kumin a nursing course zir turte chu sponsor lo turin thutlukna a siam tawh a, zirlai zingah ti ṭha duh lo an awm ṭhin vang nia tarlan a ni. Sorkar laipui chuan SC, ST, OBC leh Minority community zirlai ṭhenkhat tan, Indian Nursing Council hnuaia college-ah an zirna senso zawng zawng a tum sak a ni.

Trinamool Congress Chatra Parishad chuan heng zirlaite luhna tura state sorkarin a thlansak te chu ngaihtuah ṭha leh tura phutin lungawi lohna an lo lantir tawh a ni.