Meghalaya-ah hmeichhe ziak leh chhiar thiam pung

National Family Health Survey (NFHS)-4 chuan kum 2015-16 chhunga hmeichhe ziak leh chhiar thiam tam chak dan, India rama state 26-a a zirchianna report chu a tlangzarh.

NFHS-4 (2015-2016) zirchiannah chuan Meghalaya-ah hmeichhe ziak leh chhiar thiam awm zat chu 82.8% a ni a, kum 2005-2006-ah khan 69.5% chauh a ni. Hmeichhe ziak leh chhiar thiam hi pung viau mah se, mipa ziak leh chhiar thiam an la tam zawk. Report-a tarlan a nih dan chuan Meghalaya-ah hian mipa ziak leh chhiar thiam chu 84.0% an tling a ni.

Hetih lai hian sex ratio chu a la ngai reng thung a, hmeichhia 1,005 zelah mipa 1,000 awm ang a ni. Khawpui bikah chuan hmeichhia 1,067-ah mipa 1,000 awm ang a ni a, thingtlang lamah chuan hei hi danglam ve thungin, mipa 1,000 zelah hmeichhia 991 awm ang a ni.