AP sorkar-in tuilian tuarte chhawmdawlna pe dawn

Arunachal Pradesh Chief Minister Pema Khandu chuan, West Siang district-a Mechuka valley-a tuilian tuarte chhawmdawlna turin cheng vaibelchhe 30 pek chhuah a ni dawn tih a sawi.

Khandu chuan Disaster Management Minister Takam Pario chu chhawmdawlna pek a nih thuai theih nana chak taka hma la tura a ngen tawh thu a sawi. Tamdeling lui lian avangin Mechuka chuan harsatna a tawk nasa hle a, in leh lo chan pawh eng emaw zat an awm a ni. Khandu chuan tuilian chu khuarel chhiatna a nih thu sawiin, mipuite harsatna tawh ṭhin chu sorkar chuan a hriatpui thu leh, a sutkian dan ngaihtuah a nih thu a sawi. Chief Minister chuan department leh local administration-ten harsatna thlen dan kimchang report an siam milin chhawmdawlna chu pek chhuah a ni ang, a ti.