AP sorkar-in Mumbai-ah festival buatsaih

Arunachal Pradesh sorkar bultumin Mumbai-ah “Songs and Dances of Northeast” festival hman mek a ni a, ngaihhlut a hlawh hle.

Festival hi CIDCO Exhi-bition and Conven-tion Hall, Vashi-ah neih a ni a, tlawhtu an pun belh zel. AP Tourism department chuan dawr hawngin khualzin tam zawkin an state tlawh an chak theihna turin an thil neih hlu leh hnam zia rang lang thei thil chi hrang hrang an phochhuak. Arunachal Pradesh Tour Operators Association (APTOA) president John Panye chuan he festival-in a tum ber chu khualzin tam zawkin AP an tlawh a, a ramin leilung hausakna leh mawina a ngah zia leh hnam hrang hrangte incheina leh hnam zia rangte phochhuah a nih thu a sawi.

Chief Minister Pema Khandu pawhin, "He festival hmang hian India ram mai ni lo khawvel hmun dang zau zawkah kan hmel kan pho lang a ni" a ti. Tlawhtute chuan dawra thil pho chhuah Perok Ammin, Yekdin Iikung, Perok Oying, Yekdin Oying leh Ennok-te an hlut hle.