Assam-ah thil man sang vil tur team din

Assam-a Kamrup Metropolitan Authority (KMA) chuan Thawhṭanni khan state khawpui Guwahati-a food item man sang zel vil turin flying team 15 a din.

KMA deputy commi-ssioner M Angamuthu chuan food item man a san chak thu sawiin, hemi veng tur hian team din a ni, a ti. Assam-ah hian tun hnai khan bungrua leh thil dang emaw zatah chhiah lak tihpun a ni a, item
ṭhenkhatah chuan May-June thla chhungin a man a sang chak hle a, thil man san chhohna hi 3% a tling niin an sawi. Flying team-te hian bazar leh market-te an fang ṭhin dawn a, team tinah hian magistrate pakhat zel an awm. Team-ah hian food and civil supplies department inspector leh Guwahati Municipal Corporation aiawhte pawh an tel dawn a ni.

Angamuthu chuan dan bawhchhiaa thil man tisang man chhuah an awm a nih chuan an lakah thubuai ziah luh ṭhin a ni dawn a, a ṭul dan angin retailer leh whole seller-te pawh an licence thlenga cancel sak an ni ang, a ti. Food item reng reng sorkarin a bithliah aia sanga lei lo turin mipuite ngen an nih thu a sawi.