Tourism hmasawn nan IRCTC leh ATDC-te'n inremna an siam

Indian Railway Catering and Tourism Corporation Limited (IRCTC) leh Assam Tou-rism Development Cor-poration Limited (ATDC) te chuan Assam-in tourism lama hma a sawn theih na turin inremna an ziak.

Inremna ang chuan IRCTC-te chu booking agent an ni ang a, ATDC-in bungrua leh mamawh dangte a buaipui ang. IRCTC hian rail tour package a enkawl ang a, ATDC aṭangin ticket engkim lei theih tho tura ruahman a ni. Assam chu Indian film world leh sports arena-ah te a tam thei ang ber tihlan a nih theih nana hmalak a ni bawk ang. IRCTC leh ATDC-te hian khawpui leh thingtlang mite tan eco-tourism training buatsaih tumin hma an la mek a, ṭhalai a tam thei ang ber tourism lamah hnuhluh an tum dawn a ni. ATDC MD Anurag Singh chuan eco-tourism training buatsaih nan hian hmun 50 vel tinzawn a ni a, chung zingah chuan Merbeel, Dibru-Saikhowa leh Pobitora-te pawh a tel tih a sawi.

Data-a a lan dan chuan kum 2015-16 chhung khan Assam-ah hian India ram chhunga aṭanga tlawhtu, domestic tourist 5,642,950 an awm a, foreign tourist 26,320 zetin an tlawh bawk. Kum khat chhunga domestic tourist pun chakna chawhrual chu 15.3% a ni a, foreign tourist pawh 8.2% zetin a pung a ni.