Manipur Police-te'n BJP MLA pahnih man

Manipur police-te chuan Thawhlehni khan state BJP MLA pahnih Khumukcham Joykishan leh Thongam Bishwajit Singh-te chu police constable lak a nih dana lungawi lohna lantir a, recruitment rally an huaihawt avangin an man.

Thawhlehni zing lam khan BJP party worker leh party mi leh sa eng emaw zat chu khawlaiah an pungkhawm a, kum 2013-a Police Constable laka written test paltlang tawh ṭhahnem takin thlawpna lantirin an zawm ve bawk. Pungkhawmte hian Imphal East district-a hmun ṭhenkhatah kawngpui an dang a, Manipur Police Training College an pan a ni. Police-te chuan heng mite hi gate-ah an lo dang a, innawr buaiin mock bomb tihpuah a nih bakah silai hmehpuah a ni bawk. Mipui hnawhdarh nana mock bomb leh silai hmehpuah a nih hnu hian, MLA pahnih-te chuan firing order chu tu pek nge tia auin, gate luh tlang tumin an bei zui a ni. Police-te chuan lo dang zui lehin MLA pahnih leh police officer in-charge additional SP P Manjit leh thuneitu dangte chuan inbiakna an nei zui a ni.

BJP MLA leh pung-khawmte hian state sorkar-in police constable lakna a kalpui dan chu an duh loh thu an au chhuahpui a ni. Police-te chuan MLA pahnih-te hi thu zawhfiah turin an la nghal a, hemi hnu hian recruitment rally hi neih zui leh a ni a, buaina lian tham chhuak a awm hriat a ni lo.