Bangladesh kaltlangin Tripura-ah buhfai thawn lut

Hun rei tak chhung National Highway chhia avanga Tripura state-in harsatna a tawh hnuah, Food Corporation of India (FCI) chuan Bangladesh kaltlangin Tripura-ah buhfai a thawnlut.

Buhfai tonne 2,350 chu Kolkata aṭangin Bangladesh kaltlangin Tripura-ah a thawnlut a ni tawh. FCI area manager Indranil Mandal chuan buhfai hi Bangladesh-a Ashuganj river port
aṭangin Tripura panpui a ni a, truck hmangin Agartala godown-ah chhekkhawl a ni, a ti. Heng buhfaite hi Punjab aṭangin rel hmangin Kolkata-ah chhawp a ni. Sorkar laipui chuan Ashuganj port chu nasa takin a thuam ṭha a, Meghna lui kaltlangin Tripura-ah hian chawk luh a ni a, a thui zawng hi km 57 vel a ni.

Indian Oil Corporation Limited leh Bangladesh sorkar hnuaia Roads and Highways Department-te chuan August 18 khan MoU an lo ziak tawh a ni. Assam aṭangin Bangladesh kaltlangin Tripura-ah hian motor spirit, diesel, kerosene oil leh Liquefied Petroleum Gas-te chawk luh a ni bawk.