Sikkim-in GST Bill pass ve leh

Sikkim Assembly chuan Thawhlehni khan Goods and Services Tax (GST) Constitutional Amendment Bill a pass ve leh a, hmarchhak state pathumah bill hi pass a ni tawh.

Law, Legislative and Parliamentary Affairs department minister R.B. Subba chuan bill hi pu lutin, house member-te chuan lungrual takin an pass a ni. Chief Minister Pawan Chamling chuan lungrual taka bill pass a ni ta chu lawmawm a tih thu sawiin, special session-ah hian Ratification of Constitution Amendment Bill, 2014 pass a nih thu a sawi bawk. Goods and Services Tax (GST) hi hmarchhak state zingah Mizoram, Sikkim leh Assam-te chuan an pass tawh a, state dang Bihar, Jharkhand, Himachal Pradesh, Chhattisgarh, Gujarat, Madhya Pradesh, Delhi, Nagaland, Mahrashtra, Haryana leh Telengana-te chuan an pass tawh bawk.