Arunachal Pradesh CM-in Tezu thleng

Arunachal Pradesh chief minister Pema Khandu chu ni nga chhung district hrang hrang tlawh kual tura zin chhuakin, nimin khan Tezu, Lohit district a thleng. Lohit district bakah hian Anjaw, Longding leh Kurung Kumey district-te a tlawh dawn bawk a ni.

CM Khandu chuan a zin kualnaah hian hmasawnna lam hawia inkhawm hrang hrang a hmanpui dawn a, prime minister Narendra Modi kaihhruai sorkar laipuiin hmasawnna project a siamte hawngin, project kalpui meka hnathawh dante a ennawn bawk ang. Khandu chuan district hrang hranga hmasawnna kalpui a, mipuiten hamṭhatna an neih chu a kaihhruai sorkarin a ngaih pawimawh thu a sawi.

Khandu hian a zin chhuah hma, nimin zing lam khan Arunachal Pradesh Public Service Commission (APPSC) chairman Prof. Pradip Lingfa bakah member te leh secretary a hmu bawk. APPSC chu Arunachal Pradesh ṭhalaite tan beiseina leh duhthusam tura ding an nih thu a sawi a, ṭhalaite tana commission tih chak lehzualna kawngah thawhpuina leh thlawpna ṭha tak pek zel a tum thu a sawi bawk.