Assam: CM-in AICC secretary lakah defamation case theh lut

Assam chief minister Himanta Biswa Sarma chuan All India Congress Committee (AICC) secretary, Manoj Chauhan lakah kar liam ta Ningani khan in tihhmingchhiat thubuai, defamation case a theh lut.

Chief Minister hian Chief Judicial Magistrate, Kamrup Metro, Guwahati-ah criminal defamation case a thehlut. He thil hi February 11-a Guwahati-a press conference-ah Chauhan-a'n Sarma hian Dubai leh Singapore-a shopping mall leh hotel ventures-ah investment a nei niin a puhna chungchangah a ni.

Sarma chuan Chauhan-a'n a puhna hi thu belhchian dawl lo leh rintlak loh tia sawiin court-ah thubuai hi (CR 78/2024) hnuaiah a theh lut. Chauhan hnenah pre-cognizance hriattirna pe turin a ti niin Assam CMO thuchhuah chuan a tarlang. Congress hotu hi March 17-ah court hmaa inlan tura tih a ni. Criminal case bakah, CM Sarma chuan Chauhan lakah hian civil defamation case theh luh a tum thu a sawi bawk.