Hripui thihpui rate sang ber Tripura

Tripura chu hmarchhak state zingah Covid-19 kai thihpui rate sanna  ber niin, hri thihpui rate hi 1.11%  a ni. 

Sorkar laipuiin data a tih­chhuah tharah Tripura morta­lity rate hi 1.11% niin, Sikkim chu 1.03% a ni a, Meghalaya 0.79%, Manipur 0.63%, Assam 0.35%, Nagaland 0.28% leh Arunachal Pradesh mortality rate chu 0.35%  a ni. Hmarchhak state zingah Mizoramah chuan Covid-19 vanga thi an la awm lo. 

Tripura-ah hian hripui thihpui hi mi 239 an awm tawh a, hri kai hmuh chhuah hi 21,507 an tling tawh bawk. Positive rate hi 6.09% niin, recovery rate 68.83%  a ni a, test rate hi maktaduai khatah mi 88,334 a ni bawk. 

Hri leng dona kawnga sorkar hmalaknate pui tura kal, central medical team chuan an zirchianna hmasaah state mipuite chuan hri darh tur venna atana sorkar dan siam, face mask vuah leh social distancing dan te chu an zawm ṭha lo hle tih sawiin, hei hi hri a darh chakna pakhat niin an sawi. Hei vang hian September 18 leh 19 khan 'mask wearing enforcement day' hman a ni a, pawn chhuahnaa face mask hmang lo leh, social distancing dan zawm lote chu pawisa chawi tir an ni. 

State law miniser Ratan Lal Nath chuan September 1-7 inkara hri kaihmuh chhuah, damdawi-ina dah luh zingah 40% chu an luh aṭanga darkar 24 chhungin an thi niin a sawi.