Tibetan Refugee hnena ST certificate pek tihtawp phût

Arunachal Pardesh-a Tibe-tan refugee-te hnena state sorkarin Scheduled Tribes cer-tificate a pek chu hlip turin Arunachal Civil Society (ACS)-te chuan sorkar an phût.

ACS-te hian Ningani khan Chief Minister hnenah memorundum theh lutin, Tibet mi refugee ni si lo dan loa an state-a lut a, sumdawng leh awmhmun bengbel zui ta eng emaw zat an awm niin an sawi. Refugee-te hi Monpas, Membas leh Sherdukpens-te nen an rinna leh sakhuana te chu a in an avangin kawng tam takah thliar hran an harsat thu an sawi. ACS-te chuan state chief minister chu hemi chungchangah hian hma la thuai turin an phut tih sawiin, pawmzam mai chi a nilo, an ti. Hemi zirchiang tur hian expert committee din an phut tih sawiin, Tibetan refugee dik ni lo te chu man chhuah a, thawn haw an phût a ni.

Heng bakah hian ACS-te chuan State of Arunachal Pradesh Act, 1986-a tribal hnam hrang hrang tarlan chu siamṭhat an duh thu an sawi. State-a hlankai an nih aṭanga kum 30 liam hnuah pawh tribal awm zat leh tribal hnam hrang hrangte hming pawh thliar hrang thei lohah state sorkar an puh bawk. Arunachal Pradesh Act, 1986-ah chuan tribal community 12 tarlan a ni a, Tangsa, Nocte, Wanchoos leh Tutsa-te chu ‘Any Naga Tribe’ tih hmingpuin hlawm khatah dah an ni.

Arunachal Civil Society (ACS) chuan sorkarin Tibetan refugee-te Scheduled Tribes certificate a pek avang hian, mi tam takin remchangah hmangin Arunachal Pradesh-ah dan loin awlsam zawkin an luh theih phah niin an sawi a, titawp turin state sorkar an phût tih an tarlang.