China-in AP border-ah J-20 chhawp

China chuan India-in Arunachal Pradesh-a BrahMos cruise missile a dah chhanletna nia ngaih theih turin Tibet ram chhung Arunachal Pradesh ramri-ah China People’s Liberation Army Air Force ta stealth fighter J-20 a chhawp.

Report-a tarlan a nih dan chuan J-20 hi Daocheng Yading airport-ah ṭum tir a ni a, hei hi Arunachal Pradesh ep chiaha awm nia sawi a ni. China chuan India chu AP-a supersonic BrahMos missile a dah avangin a lo khak tawh a, J-20 a tirh chhan pawh hi India laka a inhrosaknaah ngaih a ni. Daocheng Yading airport-a J-20 fighter hi tarpaulin-a khuh a ni a, a chhan erawh hriat a ni lo. Daocheng Yading airport awmna hi tuipui
aṭanga teha feet 14,000 vela sang a ni a, khawvela civilian airport sang ber a ni.

J-20 hi hmaraw chang-kang tak hmanga thuam a ni a, radar pawhin a hmu theilo nia sawi a nih bakah Supersonic J-20 ti te pawha sawi a ni bawk.