NH-51 zauh nan thingkung 7,000 chuang an kit

Meghalaya-a West Garo Hills-a National Highway-51 zauh nan thingkung 7,000 chuang kih a ni. 

He kawngpui zauh hi Tura leh border town, Dalu inkar, km 54-a thui a ni. National Highways Infrastructure Development Corporation Limited (NHIDCL) hnuai­ah kawngpui hi siam a ni. Kawngpui zauhna tura thing­kung kihte hi state forest department pawhin an enpui a, thingkung kih zingah hian sal leh teak-te pawh an tel. 

Western Range DFO Sachin Gavade chuan heti zat thing­kung kih a ngai chu a uiawm hle tih a sawi a, mahse hemi rual hian kawngpui chu an mamawh tih a sawi. Heng thing an thing an kihte hi NHIDCL leh state forest department-ten an lilam leh dawn a ni. Gavade chuan NHIDCL  hnenah kawngpui siam hna zawhfel a nih hnuah, thing­kung an kih let chu thingṭiak phun tura an ngen thu a sawi bawk.