Helte'n Assam Rifles lambun hlawhchham

12 Assam Rifles-te chuan Pathianni khan Manipur-a ramri depa awm Chandel district leh a chhehvelah patrolling an nei a, hel tu tih hriat lohten lo lambun tunin an bei a, an inthiar filhim thei a ni.

Assam Rifles-te hi Kwatha Khnnuou khua pana an tlan laiin remote-control hmanga tihpuah theih kawng sira bomb kam hmangin helte hian lambun an tum a, a puah hmain bomb expert-te chuan an sut hman a ni. He thil thleng hriat a nih veleh hian helho dapin beihpui thlak zui nghal a ni a, hel mi leh sa man an la awm loh bakah, pawikhawih tumtute hi hriat chhuah an la ni lo bawk. Manipur-Myanmar inkar ramri hi km 10 vela thui a ni a, helai bialah hian helte chetna a hluar hle nia sawi a ni.