ILP bill pass ngei kan tum : Ibobi Singh

Manipur Chief Minister Okram Ibobi Singh chuan special state assembly session-ah ILP Bill thar chu pass ngei an tum tih a sawi.

Hetihlai hian Joint Committee on Inner Line Permit System (JCILPS) chuan ILP Bill hi House-a pharh ngei tura phutin sorkar an nawr a, ILP thlawptu mi tam tak chu Assembly building compound-ah kalin, building chhunga luh an tum a ni.

JCILPS Women Wing volun-teer leh zirlaite chuan assembly house chhungah luh an tum a, mahse police-ten an lo dang thei a ni. He thl thlen hnu hian Manipur Police-te chuan House Session tihbuai tumte tan venhimna khauh zawkin an kalpui nghal bawk.

Thawhṭanni khan state BJPunite member-te chu police constable lak dan chungchanga an lungawi loh avangin assem-bly complex-ah hian an lo pungkhawm tawh bawk a, hei vang hian state sorkar chuan state assembly chhung leh a chheh velah curfew a puang a ni. Curfew puan hian House session zawh thleng a awh ang.

CM Ibobi chuan House member-te chu ILP chung-changah an dinna ngaiah an la ding reng tih a sawi a, JCILPS-in sorkar hnenah Draft Bill a thehluhte pawh a ṭhatna leh ṭhat tawk lohna laite uluk taka enfiah a ni dawn a ni, a ti. Draft Bill chungchanga an lungrual tlan theih hunah special assembly session-ah pass turin ngaihtuah a ni dawn a ni, a ti.

CM chuan Draft Bill chung-changa rawtna thlen duhte tana August 24 thleng hun an hawn chhung khan mi 89 chauhin an ngaihdante an thehlut niin a sawi. State sorkar chuan a bill lo siam sa House-a pharh tura ruahmanna a siam chu, Joit Committee-in Draft Bill hi a thlan leh tak avangin ṭhulh leh a ni tih a sawi bawk.