Assam Tourism logo 'Awesome Assam' tlangzarh

Assam tourism minister Himanta Biswa Sarma chuan Pathianni khan Assam Tourism logo thar “Awesome Assam”chu a tlangzarh a, hei hi tourism lama an bulṭanna a nih thu minister chuan a sawi.

Logo-ah hian Brah-maputra lui, samak ki pakhat nei 'one-horned rhino' leh thinghnah lem a chuang a ni. Minister Sarma chuan state sor-kar chuan tourism tih-hmasawnna turin theih-tawp a chhuah tih sawiin, mipuite hnena tourism campaign kal-puina turin sorkar chuan cheng vaibelchhe 15 a ruahman tih a sawi.

“Awesome Assam” tlangzarh a ni ta chu lawmawm a tih thu sawiin, Sarma chuan hei hi a bulṭanna a ni tiin, India ram mai ni lo khawvel huapa inpho chhuah an tum tih a sawi. State sorkar chuan film siamtute thlenga hip thei turin 'single window clearance' kalpui turin ruahmanna a siam niin a sawi bawk.

Tourism minister chuan, state chhunga National Park panga awm mekte chu sorkar laipui chuan tourism tih-hmasawnna hmanraw pawimawh a ni tih hriain, a tihchangtlunna turin cheng vaibelchhe 120 a ruahman sak niin a sawi. Hei bak-ah hian Kamakhya-a infrastructure tihchang-tlunna turin vaibelchhe 33 a ruahman sak tih minister Sarma chuan a sawi bawk.