Manipur BJP-te'n deputy CM bei zui zel

Manipur BJP worker-te'n police constable 2000 lak danah thil fel lo a awm nia sawia Manipur Deputy Chief Minister Gaikhangam an beihna chu an la chhunzawm zel.

Thawhṭanni khan BJP worker-te hian State assembly session neih mek chu tihbuai tumin an pan a, police-te'n lo dangin mi paliin hliam an tuar. Police-te hian mipui hnawhdarh nan hian tear gas leh smoke grenade an hmang a, hliam tuar mi palite dinhmun erawh a ngaihtuahawm loh nia tarlan a ni. He thil thleng vang hian Assembly complex-a hian curfew puan a ni.

State BJP-te chuan deputy chief minister Gaikhangam hnenah hna lak danah thil fel lo tam tak a awm vangin, physical-efficiency test, written test leh viva voce-te chu neih ṭhat leh an phut thu an sawi.

Nawrna nasa tak avang hian Gaikhangam chuan Thawhṭanni khan constable lak chu tawpsan lailawk a nih tur thu house member-te hmaah a sawi a ni.