Coca Cola agent-te insawifiah turin phût

All Manipur Students’ Union (AMSU) te chuan soft drink, Coca Cola chu a him tawk lo tih sawiin, state sorkar chu Coca Cola hralh chhuah titawp turin an phut a, Coca Cola agent-te pawh insawifiah turin an hriattir.

AMSU thuchhuah chuan Coca Cola-te hi a thih hun pel tawh mah se expiry date siamṭhaa hralh leh tam tak a awm thu an sawi. Hei hi mihring hriselna atan a him tawk lo tih sawiin, hemi chungchang sawifiah tur hian Imphal-a Coca Cola agent pathumte chu September 15 ral hma ngeia AMSU office-a inlan turin an phut tih an tarlang. Hun tiam chhunga an insawifiah lo a nih chuan September 16 aṭang chuan Coca Cola product reng renga zawrh leh hralh chhuah khap a nih tur thu AMSU secretary general Manjit Sarangthem chuan a sawi.

Manjit chuan AMSU volunteer-te chuan August 29 khan Coca Cola-a expiry date siam ṭhat a, bel hnan eng emaw zat an lo man tawh tih a sawi bawk.