Assam-ah Anti-CAA week hmang dawn

Assam-a pawl hrang hrangte chuan December 24-31 chhung hian Citizenship Amendment Act (CAA) duh lohna lantirin, Anti-CAA Week an hmang dawn. 

Krishak Mukti Sangram Samiti (KMSS) students' wing, Chatra Mukti Sangra Samiti (CMSS) chuan anti-CAA week hman rual hian KMSS hotu, jail-a tang mek Akhil Gogoi chhuah tura phutna lantir an tum bawk. 

Pawl hrang hrangte chuan CAA duh lohna state chhung hmun hrang hrangah an lantir a, All Assam Students' Union (AASU) chuan Assam-ah CAA  hi hmang lo turin state sorkar a vau a ni. December 11 khan pawl 11-te chuan CAA dodalna hi an lantir leh ṭan a, he dan hi sut turin sorkar an phut.