Akhil Gogoi-a'n inthlanah chuh tum

Assam-a Krishak Mukti Sangram Samiti (KMSS) hruaitu, Akhil Gogoi chuan nakkuma assembly inthlan neih turah Upper Assam-a Sivasagar constituency-ah din a tum niin a deputy chuan a sawi. 

Citizenship Amen- dment Act (CAA) dodalna a lantir avangin nikum December thla khan  Gogoi hi man niin, jail-ah a la tang mek a ni. A deputy, bail-a chhuah mek Dhaijya Konwar chuan Gogoi hian KMSS political party din, 'Raijor Dol' hmingin inthlanah hian chuh ngei a tum tih a sawi. Raijor Dol hian inthlan neih turah thawkdun turin regional party thar, Asom Jatiya Parishad (AJP) nen inbiakna an nei mek niin a sawi bawk. 

Konwar chuan nakkum January thlaah chuan thawhdun tuma inbiakna neih hian rah ṭha tak a chhuah ngei a beisei tih a sawi. Pathianni khan Raijor Dol head office chu Guwahati-ah hawn a ni a, hemi rual hian party flag thar pawh tlangzarh nghal a ni