ILP-in Meghalaya tourism sector a nghawng dawn lo: Dy CM

Meghalaya deputy chief minis­ter Prestone Tynsong chuan an state-ah Inner line Permit (ILP) system hman a nih pawhin hei hian tourism sector a nghawng pawi dawn lo tih a sawi. 

Tynsong chuan, "Sorkar laipuiin Meghalaya Assembly rawtna anga ILP hman a remti a nih pawhin, tourism sector lam a nghawng lohna turin dante pawh siamrem dan tur leh pawhfan dan kan ngaihtuah dawn a ni," a ti. Deputy Chief Minister chuan khualzinte tan an state tlawh kawnga harsatna a awm lohna turin ruahmanna pawh siam tum a ni, a ti. 

Thla hmasa khan Meghalaya Assembly chuan an state-a ILP system hman ve a nih theihna turin lungrual takin resolution an lo siam tawh a ni. Hetih lai hian mi ṭhenkhat chuan ILP hi hman a nih chuan ramdang mi an state tlawh ṭhinte nghawng telin, tourism sector chuan a tuar phah thei dawn niin an ngai a ni.