Manipur-ah Police Station 8 din belh dawn

Manipur sorkar chuan police station thar pariat leh fire sub-station hawn belh a remti a, mamawh dan a zirin police outpost hawn belh a tum bawk.

Chief Minister Okram Ibobi Singh kaihhruainain Thawhlehni khan cabinet meeting neih a ni a, cabinet chuan station din belh hi a remti a ni. Rural development minister Moirangthem Okendro Singh chuan police station-te hi Churachandpur district-ah pathum, Thoubal district leh Senapati district-ah pahnih ve ve leh Bishnupur district-ah pakhat din a nih tur thu a sawi. Ruahman dan chuan Hiyangthang, Langol Laimanai, Nungei, Lam-bui, Nunglei-band, S Khawlian, Tingpui, Kabui village leh Nongdam-ah te Police outpost din tum a nih thu a sawi bawk.

Cabinet meeting chuan power sub-station thar hawn mai tur Heirok, Lilong, Porompa, Lamlai, Sekmai, Khumbong leh Litan-a thawk tur 126 lak a remti. Hei bakah hian economics and statistics department hnuaia contract-a thawk mi 73-te dah ngheh a remtih bakah, Manipur Public Service Commission hnuiah assistant director pali lak a remti bawk.