Meghalaya-a GHUA-te'n GHADC thlawp

Meghalaya-a Garo Hills United Alliance (GHUA)-te chuan National People’s Party (NPP)-in Garo Hills Autonomous District Council (GHADC) staff-te hlawh hun rei tak chhung a pek chhuak tawh lo chu an dem thu an sawi.

GHUA thuchhuah chuan GHADC staff-te hlawh hun rei tak chhung hrensak an ni chu pawi an tih thu sawiin, GHUA chuan GHADC-te lungawi lohna chu a thlawp tlat a ni an ti. State sorkar leh governor-te chu GHADC harsatna tawh hriatthiampui a, hmalakpui turin an ngen tih an sawi. GHADC-te hian thla 10 vel zet hlawh an la tawh lo nia tarlan a ni. Hei hi mihringte dikna leh chanvo rahbehna chi khat a nih thu an sawi. GHUA-te chuan he mi chungchanga mawhphurtua ngaih GHADC chief executive member (CEM) Denang T. Sangma pawh mawh-phurhna hlen zo loah an puh bawk. Hetihlai hian GHADC inrelbawlna hi a fel tawk lo nia sawi a ni a, executive committee-ah pawh financial report kimchang tarlan a ni lo nia sawi a ni.

National People's Party hi January 2013, khan P A Sangma chuan national level party-ah a lo puang tawh a, NPP leh Bharatiya Janta Party kaihhruai National Democratic Alliance-te chu an thawkho dawn niin a sawi a ni.