AP Assembly-in GST Bill pass

Arunachal Pradesh Legislative Assembly chuan Ningani khan Goods and Service Tax Bill (GST Bill) chu a pass ve leh ta.

Chief Minister Pema Khandu chuan Goods and Service Tax chu mumal tak kalpui a nih theihna turin Tax & Excise department chu hma la nghal tura hriattir an nih thu a sawi. IT infrastructure tih changtlun kawngah hmalak nghal a ngai dawn tih sawiin, state sorkar chuan theihtawp chhuahin hma a la dawn tih chief minister chuan a ti. GST chu hman a nih hunah chuan an state sorkar tan chuan
hamṭhatna tam zawk a thlen dawn tih a sawi bawk. AP-ah hian Sales Tax Act siamin, kum 2000 aṭang khan indirect taxes hman ṭan a lo ni tawh a, hei hi kum 2005-a APGT Act duan a nih leh hnuah Value Added Tax (VAT) a thlak leh a ni.

GST Bill hi state eng emaw zatah pass a lo ni tawh a, nakum April thla aṭanga hman ṭan tura ruahman a ni.