Army Chief-in Assam tlawh

India Army chief General Dalbir Singh Suhag chuan chuan September 5-6 chhung khan Assam a tlawh a, Lt General Praveen Bakshi leh General Officer Commanding-in-Chief, Eastern Command-te'n an zui a ni. General hian Tezpur tlawhin, ramri venhim kawnga hmalak dan tur hrang hrangte a hmunah kalin a enfiah a ni. Border security forces hotute, India leh China inrina 'Line of Actual Control' chungchang a sawipui. Army Chief hian Thawhlehni khan Assam-a Tezpur-ah 4 Corps review meeting a hmanpui a ni. India Army chief General Dalbir Singh Suhag hian Nilaini khan Home Minister Rajnath Singh hmuin security chungchang an sawi zui a ni.

Sorkar laipui chuan China Arunachal Pradesh-ah BrahMos supersonic missiles dah a tum nia hriat a ni.

Thla hmasa mai khan China chuan stealth fighter J-20 chu Tibetan ram chhung Daocheng Yading airport-ah a chhawp a, hei hi India a vaunaah ngaih a ni. Stealth fighter J-20 hi Arunachal Pradesh epah chhawp a ni a, tarpaulin hmanga tuam a ni a, radar pawhin a hmu thei lo nia tarlan a ni.