IOC-in Tripura-ah oil thawnlut ṭan

Indian Oil Corporation chuan Bangladesh kaltlangin nimin aṭang khan Tripura-ah tanker pasarih hmangin diesel leh kerosene-te a thawnlut ṭan.

Tripura-ah hian hun rei tak chhung NH-44 a chhiat avangin nitin mamawh duh ang tawk hmuh tur a awm lo a, oil man phei chu a sang hman hle a ni. Oil hi Guwahati-a Betkuchi depot
aṭangin Bangladesh kaltlangin Tripura-a Dharmanagar depot-ah phur thlen a ni. A thawh khatnaah hian tanker pasarih-te hian litre 84,000 an phur chhuak a ni. IOC chuan Bangladesh ram chinah km khat zelah Bangladesh pawisa Taka 1.02 zel a chawi dawn a, Tripura thlen nan km 200 vel a paltlang a ngai a ni.