Meghalaya Speaker dinhmun tichiang dawn

Meghalaya Assembly Speaker Abu Taher Mondal chu September 16-ah ban a nih dawn leh dawn loh tihchian a ni dawn.

Speaker Abu Taher Mondal hi speaker a nihna anga a hna tlin tawk lo nia sawi a ni. Eptu party National People’s Party legislator James K Sangma chuan, speaker hi Assembly building sakna tur hun rei tak tihkhawtlai a nih chungchangah mawhphurtu zinga mi niin a sawi. Sangma chuan Clause(c) of Article 179 of the Constitution leh Rule 135 of the Rules and Procedure of Business tlawh chhanin Meghalaya Legislative Assembly autumn session ni khatni, Zirtawpni khan speaker hi a nihna aṭanga bang turin a phut a ni. House-ah hian resolutian siam a ni a, speaker chu speaker a nihna hmang dik tawk loah puhin bang tura tih a ni. Eptu MLA 12-te chuan resolution hi an thlawp.

NPP MLA Sangma chuan Meghalaya assembly building sakna tur chu kum 12 chhung zet tihkhawtlai a ni tawh tih sawiin, hei hi state ang pawha mualphona a ni, a ti. Congress MLA W D Sangma-an Parliamentary Secretary a nihna aṭanga ban a dilna chu state sorkar chuan a pawm sak nia tarlan a ni.