AP-ah Airmen Recruitment Rally awm dawn

Arunachal Pradesh Chief Minister Pema Khandu chuan Octorber thla khian Airmen Recruitment Rally a awm dawn tih a sawi.

Inrinni khan Chief Minister Office-ah Indian Air Force-a Airmen Selection Centre Commanding Officer VPV Baliga leh Khandu-te chuan meeting neiin, Recruitment Rally neih hun tur hi an tichiang a ni. Indian Air Force chuan Air Men Recruitment Rally hi ṭhuang hnihin a kalpui dawn a, western zone tan bik October 1 khian Itanagar-ah neih phawt a ni ang a, Tezu-ah October 5 khian eastern zone tan buatsaih ve leh a ni ang.

Commanding Officer chuan a thawhkhatna, Itanagar-a neih tur hian West Siang, Upper Subansiri, Kra Daadi, Lower Subansiri, Kurung Kumey, Papumpare, East Kameng, West Kameng leh Tawang district-te a huam tur thu a sawi. Tezu-ah a thawh hnihna neih a ni dawn a, Siang, Upper Siang, East Siang, Dibang Valley, Lower Dibang Valley, Anjaw, Lohit, Namsai, Changlang, Tirap leh Longding district-te a huam ang.

Chief minister chuan state chhunga ṭhalai a tam thei ang ber tel turin a sawm.