State fai ber Sikkim

Sikkim chu India ram state fai berah thlan a ni a, poin 100-ah 98.2% a hmu pha a ni.

Union Rural Development Minister Narendra Singh Tomar chuan India ram state fai thlanna National Sample Survey Office (NSSO) buatsaihna neih report chu New Delhi-ah a tlangzarh a ni. He survey-ah hian state hrang hrangte chu kawng hrang hranga teh a, zirchian an ni. Khawpui fai thlan chhuah top 10-ah hian Kerala, Mizoram, Himachal Pradesh, Nagaland, Haryana, Punjab, Uttarakhand, Manipur leh Meghalaya-te an lang.

Survey hi kum 2015 May-June chhung khan neih a ni a, chhungtin ten inthiarna mumal an neih dan leh vantlang inthiarna mumal a awm em tih te chu an tehfung pawimawh a ni.

State fai bera thlan Sikkim hian 100-ah 98.2% a hmu phak a ni. Kerala (96.4), Mizoram (95.8), Himachal Pradesh (90.1), Nagaland (88.6), Haryana (87.9), Punjab (86.1), Uttarakhand (80.2), Manipur (80.1) leh Meghalaya (73) ten an dawt. Chhattisgarh, Odisha, Madhya Pradesh, Uttar Pradesh, Bihar, Rajasthan, Tamil Nadu, Karnataka leh Jammu & Kashmir-te chu a hnufual zual an ni.

Sorkar laipui chuan kum 2019-ah chuan India chu open defecation free (ODF) ah siam a tum a, hei hi Mahatma Gandhi piancham kum 150-na denchhena tih a ni.