Assam sorkarin DTO panga ban

Assam sorkar chuan State Transport department hnuaia hnathawk, district transport officer (DTO) panga-te chu a suspend a, DTO pathum dangte chu show-cause notice a pe.

Transport minister Chandra Mohan Patowary kaihhruainain Inrinni khan Transport department chuan state chhunga DTO zawng zawngte a ko khawm a, review meeting an nei. Meeting-ah hian DTO-te hnathawh dan kimchang report pek a ni a, DTO eng emaw zat chuan hna an thawk ṭha tawk lo tih tarlan a ni. DTO supend-te chu AA Ahmed (Srirampur), Bubul Gogoi (Baxirhat), Munin Das (Digarkhal), Syeed Alam (Diphu) leh Nripen Kalita (Tinsukia) te an ni.

State Transport department enkawl Srirampur, Baxirhat leh Digarkhal-te chuan kum 2006-07 aṭanga 2015-16 chhunga chhiah aṭanga hmuh tura beisei an tlin lo tih tarlan a ni bawk.