Manipur-ah Swine Fever an hmu

Manipur-a Animal health expert-te chuan Zirtawpni khan India-Myanmar border-a Moreh khuaah swine fever an hmu.

Official chuan Swine Fevre venna tur ngaihtuah nghal a ni a, hmun dangah a la darh lo niin a sawi. Moreh khuaa vawk vulhtute chu fimkhur tura chah nghal an ni a, a tihdamna ala awm lo. He lai bialah hian vawk eng emaw zat chu an thi tawh nia hriat a ni a, hri an kai hmaa damdawi pek chuan vawkte hi an him thei tura ngaih an ni. Swine fever hi a awm ngei tih finfiah ni tawh mah se official-a puanzar a la ni lo thung.

Thuneitute chuan hrilenna hmun hi international border a nih avangin fimkhur a ngai hle tih an sawi. A bikin vawk lakluh leh thawnchhuah khap nghal a ni a, vawksa ei rih lo turin mipuite chu chah an ni bawk. Vawk vulhtute chuan harsatna tawk nghalin, state sorkar chu chak zawka hma la tura an duh thu an sawi.