Assam sorkarin leimin tuarte ram a pe dawn

Assam sorkar chuan leimin avanga in leh lo chan chhungkaw 30,000 hnenah ram bigha 3-a zau ṭheuh pek a remti.

State Chief Minister Sarbananda Sonowal chuan Zirtawpni khan revenue department chu hma la tura hriattir an nih thu a sawi. State sorkar chuan leimin vanga in leh lo chan hi chungkaw 30,000 an awm tih a tarlang a, an zinga chungkaw 8,000-te hi tun hnaia district thara hlan kai Majuli-a mite an ni. Sonowal chuan leimin avanga chhiat tawk chhungkuate hi state sorkar chuan in sak ṭanpuina a ngaihtuah sak dawn tih sawiin, tui thianghlim in tur bakah LPG connection a ngaihtuah sak dawn tih a sawi.

CM chuan revenue department chu, ram leilung fate dikna humhim a nih theih nan 'land law' dik taka kalpui tura ngen an ni a ti a, high level committee din a nih tur thu a sawi bawk. Hemi chungchangah hian Sonowal leh revenue department aiawhte hian Zirtawpni khan meeting an nei a ni.