Leiminin Sikkim a dang chat

Sikkim state kalpawh­na pui ber leh rinrawl bera a neih, National High­way 10 chu hmun thumah leiminin a dang chat.

Leimin hian state ma­mawh bungraw phur­­tu lirtheite a dan vek avangin mamawh sup­ply hrang hrangah harsatna an tawh phah a hlauhthawnawm hle. Hei vang hian Sikkim sorkar chuan nitin mamawh hralhchhuah kawngah ration system a hman a ṭul mai thei.

Kawngpui a pin vang hian Sikkim-ah hian khualzin eng emaw zat an tangkhang bawk. Sikkim tourism minister Ugyen T Gyatso chuan ni thum kalta vel khan sorkarin nasa taka ruah a sur tur thu puang mah se khualzin an chatlak phah loh thu a sawi a, khualzinte chuan Siliguri luh nan Rohini lama kalkawng an hmang a ni, a ti. "Ṭhenkhat chuan Gangtok aṭanga helicopter-a thlawh an tum bawk a ni," a ti.

Gangtok luh nan hian NH 10 bakah kawng pa­thum a awm a, mahse heng kawngte hi a thui bakah leimin hlauhawma awm an ni a, Gangtok thlen­na atana hun duh rei zawk, Pankhabari-Kur­seong-Lopchu lam kawng chu tun huna hman theih awmchhun a ni.