Assam-ah hel 644 inpe

Assam-ah nimin khan helpawl pariat ami, hel 644 chu ralthuamte nen sorkar kutah an inpe. 

Hel inpe puala Guwahati-a inkhawm buatsaih hi chief minister Sarbananda Sonowal chuan a hmanpui a ni. Hel inpete hian an silai 177 an pe lut tel tih police-te chuan an sawi. Nimina hel inpete hi United Liberation Front Asom (ULFA), National Democratic Front of Boroland (NDFB), Rabha National Liberation Front (RNLF), Kamtapur Liberation Organisation (KLO), CPI (Maoist), leh National Liberation

Front of Bengali (NLFB) mi leh sate an ni. 

Tun thla tir lam khan NDFB  helpawl chuan inkahhai puang turin sorkar chu inremna a lo ziahpui tawh a, inremna an siamah hian NDFB president B Saoraigwra kaihhruaite chuan tharum thawhna an thlen ṭhin bansanin, remna kawng zawnga sorkarin inbiakna a buatsaih chu a zawm ve ang tih a ni. Sorkar laipui, Assam sorkar leh NDFB aiawhte hian inremna an siamah hian hming an ziak a ni.