Nagaland sorkarin Chungkaw 70000 tan in sa dawn

Nagaland sorkar chuan Pradhan Mantri Awas Yojana scheme hnuai-ah chungkaw 70,000 tan insak sak a tum.

Zirtawpni khan a hmasa ber atan Urban Local Bodies-a adminis-trator 23-te chuan State Level Consultative Mee-ting an nei a ni. Mee-ting hi Parliamentary Secretary for Municipal Affairs, R Tohanba chuan hmanpuiin, sorkar laipui chuan kawng hrang hrangin hmasawnna hna a kalpui mek a ni a ti a, Pradhan Mantri Awas Yojana scheme chu ṭangkai taka hman a ṭul thu a sawi.

Tohanba chuan Urban Local Bodies-a admi-nistrator-te chu dik tak leh felfai tak hnathawk turin a fuih a, scheme-in a tum ang ngeia tihhlawhtlin chu thil tih makmawh a ni, a ti. Parliamentary Secretary chuan State Cabinet-in ULB inthlan lo awm tura hmeichhe tana 33% a hausak chungchanga thutlukna chu a puang thuai dawn tih a sawi bawk.