Naupiang thi tlemna Nagaland leh Tripura

Hmarchhak state pahnih, Nagaland leh-te chu state te zinga naupiang kum khat tlin hmaa thi Infant Mortality Rate (IMR) tlemna ber an ni.

Official data-a tarlan a nih dan chuan Nagaland-ah hian naupiang kum khat tlin hmaa thi chu mi 1,000-ah mi 17 awm anga chhut a ni a, Tripura-ah chuan 1,000 zelah mi 21 awm anga tarlan a ni. Hetih lai hian National average chu 1,000 zelah mi 40 a ni thung. Tripura National Health Mission (NHM) director Shailesh Kumar Yadav chuan state lian zingah Haryana leh West Bengal chu naupiang kum khat tlin hma thi tlemna an ni a, state te zingah hmarchhak Nagaland chu ti ṭha berin, Tripura-in an dawt a ni, a ti.

National Family Health Survey (NFHS-4) 2015-16 report-in a tarlan dan chuan, Andhra Pradesh, Bihar, Goa, Haryana, Karnataka, Madhya Pradesh, Meghalaya, Sikkim, Tamil Nadu, Telangana, Tripura, Nagaland, Uttarakhand, West Bengal leh Union Territory Andaman and Nicobar Islands bakah Puducherry-ah te naupiang kum tlin hmaa thi chawhrual chu 1,000 zelah 51 aiin a tlem a ni. Union Territory Andaman and Nicobar Islands chu kum tling lo thi tlemna ber niin, mi 1,000 zelah 10 awm anga chhut a ni.