Arunachal Governor JP Rajkhowa-a ban
Arunachal Pradesh Governor Jyoti Prasad Rajkhowa chu ban a ni.
Rajkhowa hi September 12 khan ban a ni a, ban a nih chungchangah hian Rashtrapati Bhavan communique chuan thuchhuah siamin, "Rajkhowa chuan Governor Office a chhuah-san ta a ni" a ti. Tunhnaiah hmar-chhak state governor eng emaw zat ban an nih bakah, sawn chhuah an ni a, governor pakhat state pahnihin an inṭawm an awm nual. Hetihlai hian Rash-trapati Bhavan communique chuan, Meghalaya Governor V. Shanmuganathan chu Arunachal Governor tur ruat a nih hmaa lo hmui turin additional charge pek a nih thu a tarlang tel bawk.
Rajkhowa hi May 12, 2015 khan Arunachal Pradesh Gover-nor atan ruat a ni. Rajkhowa hi NDA sorkarin Governor atana a ruat zinga a ban leh hmasak ber leh awmchhun a ni. A chungchang hi Union Home Minister Rajnath Singh chuan kar kalta khan President Pranab Mukherjee a sawipui a, ban mai tur hian thurawn a pe nia sawi a ni. Supreme Court-in Congress sorkar paihthlak a nih dan leh, AP-a presidents' rule puan a nih danah thil dik tawk lo ti nia sawi a nih bawk avangin Rajkhowa hi ban a ni taa ngaih a ni.
Hetihlai hian tun hnai khan Rajkhowa chuan, Governor a nihna aṭanga ban a tum loh thu leh, bang tura an duh a nih chuan President-in a ban mai tur thu a sawi. Rajkhowa chuan, "Ka hriselna a ṭhat tawk loh avang leh Arunachal Pradesh-a Congress sorkar din leh tura Supreme Court-in thupek a chhuah hnu khan bang mai tura nawrna ka tawng ṭan tawh a ni" a ti a, mahse a nihna aṭanga ban chu a tum loh thu a sawi. A dinhmun chu chiang taka ziakin President a thawn a, Mukherjee chuan Home Ministry-ah a lo thawn chhawng ve leh a ni. Home Ministry chuan zirchiangin Governor chungchanga detail report chu President hnenah an thehlut leh a, Rajkhowa hi ban a ni zui ta a ni.
Jyoti Prasad Rajkhowa:
Kum 1944-ah a piang
4 Jorhat Government High School, J.B College, Jorhat leh Cotton College, Guwahati-ah lehkha a zir ṭhin
4 Delhi School of Economics
aṭangin M.A Economics a zo
4 Journal "Sachetak"-ah Editorial Boar Chairman a ni ṭhin
4 Lekhabu "Central Vigilance Mechanism with special reference to P.S.E's" a ziak
4 Military expert a ni
4 Indian Administrative Service (IAS) 1968 batch niin, Assam Chief Secretary hna chelhin bul aṭan
4 Arunachal Pradesh Governor atan May 12, 2015 khan lakluh a ni
4 Arunachal Pradesh Governor aṭangin Sept 12, 2016 khan President Pranab Mukherjee chuan a ban