Manipur-a Congress mi hlunin BJP zawm

Manipur-a Congress mi hlun MLA leh Minister-te pawh lo ni tawh Yumkham Erabot chuan Thawhṭanni khan Bharatiya Janata Party (BJP) a zawm.

Yumkham Erabot hi Manipur Legislative Assembly aṭangin a bang a, Congress a chhuahsan zui bawk. State Bjp President Khetrimayum Bhabanandachuan an party zawmtu Erabot chu party office-ah a lawmlut.

Bhabananda chuan Erabot chu politician ṭha ber te zing a mi a nih thu sawiin, BJP a zawm chu lawmawm a tih thu a sawi. Kum 15 kalta chhung khan a bial, Wangkhei constituency tan hmasawnna lian tham tih sawi tur a nei lo nia sawiin, hei hian Congress kaihhruai sorkar eirukna laka a fihlim loh zia a ti lang a ni, tiin Erabot-a'n hmasawnna hna a thawh tak takna turin Congress sorkar chuan kawng a sial sak loh thu a sawi. Erabot chuan a bial mipuiten a nihna aṭanga bang tura an nawr thu a sawi ve bawk.

Manipur Assembly-ah hian member 60 an awm mek a, rorellai Congress chuan MLA 42 neiin, BJP chuan MLA pahnih chauh a nei thung.