ZUF & NSCN-IM-te inkap

Manipur-a Tameng-long distric-ah Thawhṭanni khan hel pawl Zeliangrong United Front (ZUF) leh National Socialist Council of Nagalim (Isak-Muivah)-te inkapin, ZUF member pakhat a thi.

Police-te chuan Thawh-lehni khan Assam Rifles leh police-ten inkahna thlenna hmun Taodaijang khua an thleng tih an sawi. Pawi-khawihna hmun leh a chhehvelah hian hel dap chhuah hna an thawk nghal a ni. Buaina chhuah chhan chiang tak erawh hriat a la ni lo.

Naga hel NSCN(IM) leh ZUF-te hi an inkar a ṭha lo hle nia tarlan a ni a, tun hnaiah an inkarah buaina a chhuak fo a ni. Hetih lai hian sorkar laipui leh NSCN(IM)-te chuan inremna siam turin inbiakna an kalpui ve mek bawk.