Wawrinka faktu Djokovic

World number 1 Novak Djokovic chuan US Open final-a a hneh loh Stan Wawrinka chu khawvela player ṭha berte zinga mi a nih thu a sawi chhuak.

Pathianni zan khan kumin chhunga Grand Slam tournament hnu-hnung ber khelh niin Wawrinka hian inkhel inhnehtawk takah Serbian tlangval hi a hneh a, a vawi thum nan major title a la.

Kum 29-a upa Djo-kovic chuan, "Inkhel boruak sang leh hautakah ṭha taka a kheh theih avangin a thiam berte zinga mi a ni," tiin a sawi.

Swiss thiampuipa Wa-w-rinka hi Roger Federer nen an inhma-chhawn tawh naah vawi 18 chak lo zawkin ṭum thum a chak zawkah a ṭang a, palyer langsar dang Djokovic (19-5), Andy Murray (9-7) leh Rafael Nadal (15-3) te lakah pawh hnehna chang tlem zawk a la ni vek.

Amaherawhchu, Djo-kovic chuan heng player langsar palite huangah hian Stan hi a dah. Grand Slam final vawi hniha a hneh loh chungchang sawiin Djokovic chuan, "Mi pali inelna anga ngaih ngawt theih a ni lo a, tunah chuan Stan hi a pangana zinga mi a ni," a ti.

Hetihlai hian Waw-rinka erawh a inngaitlawm hle thung, "An nomawi chawi tawh leh an sulhnu hi en ila, final an khelh loh pawhin semifinal tal an khel thei zel. Kum 10 chuang chu khawvela a ṭha berte zinga mi an nih theih avangin anni nena khaikhin chi ka ni ve lo," tiin Federer, Nadal, Djokovic leh Murray te huangah a in seng lut ve duh lo.

Kum 1970 khan khatih hunlai a kum 35-a upa Ken Rosewall chu US Open-ah hian a lo champion tawh a, ani hnuah chuan kum 31-a upa Wawrinka hi champion leh thei upa ber a ni. Rosewall, Rod Laver, Andre Agassi leh Jimmy Connors te hnungzuiin Wawrinka hi kum 30 tlin hnua major title pakhat aia tam la thei a ni bawk.