Sorkar hnathawk, office hour chhunga thildanga tel An hlawh cut sak zel an ni ang : Assam minister

Assam education minister Himanta Biswa Sarma chuan Nilaini-a zirtirtute nena meeting an neihnaah, school leh college zirtirtu, office hour chhunga activity danga telte chu an hlawh cut sak zel an ni ang, a ti. Hei dan hi zirtirtute chauh ni lo, sorkar hnathawk dang zawng zawng chungah pawh hman vek a ni dawn tih a sawi bawk. 

Minister chuan sorkar hnathawkte chu mipuite chhiah pek aṭanga hlawh la an nih avangin mipuite rawngbawl hna chu an dah pawimawh hmasa ber tur a ni, a ti. "In duty  hour zawh hnuah chuan eng pawh ti turin in zalen. Mahse duty hour laia an hna kaihhnawih ni lo, activity danga telte cu an hlawh cut sak an ni ang," tiin a sawi. Duty hour lai chuan amah pawh hmu lo turin sorkar hnathawkte chu a chah nghal bawk a ni.