KNP-a samak veng turin ui fing hmang dawn

Assam Kaziranga National Park-a sapel ṭhinte laka samak te vengtu atan ui fing hman a ni dawn.

Park enkawltute chuan a hmain ui fing, Jorba an lo hmang tawh a, uisathiam pahnih- Kareena leh Babli dah belh an tum a ni.

Wildlife trade monitoring network, TRAFFIC hotu Dr Shekhar Kumar Niraj chuan sapel ṭhinte chhui nan uisathiam chu an ṭangkai thu leh forest department te'n ṭhahnem tak an mamawh thu a sawi.

Kareena hi German shep­herd-a ni a, TRAFFIC te'n KNP an pe a ni. Belgian Shep­herd, Babli hi Guwahati-a conservation body, Aaranyak pek a ni.

KNP-a samak humhalh nan uisathiam mamawhna hi kum 2013 vek khan hriatchhuah a ni a, hemi hnu hian Aaranyak chuan Jorba hi Slovakia aṭangin a lalut a ni. Jorba hian sapel ru ṭhin 10 a chhui chhuak tawh a ni.