KMSS-in APSC leh NRC chungchangah Governor an hmu

Krishak Mukti Sang­ram Samiti (KMSS) chuan Assam Public Ser­vice Commission (APSC) hna lak dan fel lo leh National Register of Citizens (NRC) update meka thil fel lo chungchangah kar kalta Inrinni khan Governor PB Acharya an hmu.

KMSS hian APSC hna lak dan fel lo chung­changah memo­randum an thehlut nghal.

SC Das Committee-in APSC-a thil fel lo a chhui mek chu report theh­luh hun bithliah tur leh chipchiar taka chhui­tir turin state sorkar hnen­ah ngen a tum thu Governor Acharya chuan KMSS palaite a lo hrilh a, APSC-in kum 2013 Combined Competitive Examination a buatsaih leh exam result chu SC Das Committee chhui teltir tura ngen a tum thu a sawi bawk.

Kum 2013 combined exam-a a tlingte chu Das Committee-in report a thehluh hma chuan ap­point­­ment pe rih lo turin state sorkar ngen a tum thu Governor chuan a sawi.

Acharya chuan a ngenna chu state sorkarin a bawhzuisak lo a nih chuan President Pranab Mukherjee hnenah thlen a tum thu leh, India danpui Article 317 tlawhchhana inrawlh tura ngen a tum thu a sawi.

NRC update mek­a state sorkarin thil a tihchian loh chung­changah Govenor chuan NRC up­date hna chu Supreme Court kaihhruaina hnuaiah neih a ni, a ti a, hei vang hian sorkar laipui leh state sorkar chu an inrawlh theih loh thu leh a ṭul a nih chuan theihtawp chhuaha bawhzui a hreh loh thu a sawi bawk a ni.