Ramri thubuai chinfel nan all-party committe din tum

Meghalaya sorkar chuan an ṭhenawm state, Assam nena ram inchuh thubuai an neihte chinfel nan political party zawng zawng telna committee din a tum.

Chief Minister Mukul Sangma kaihhruaina hnuaia all party meeting neihah he thutlukna hi siam a ni a, meeting chuan Assam pawh ramri thubuai ngaihtuah tur all party committee din ve tura ngen a rel bawk.

"Assam nena ram in­chuh thubuai kan neih­te chinfel nan all party committee din kan tum a, Assam pawhin hetiang hi a din ve a ngai a ni," tiin Chief Minister Mukul chuan a sawi.

Committee-ah hian state chhunga political party aiawhte an tel vek bakah party nei lo, independent MLA te pawh telh an ni ang.