Bogibeel lei dawhnaa hna a ṭha thawkhat: NF Railway

Assam Dibrugarh district, Brahma­putra lui chunga Northeast Frontier Rail­way-in lirthei leh rel tlan theihna tura Bogibeel hmuna lei a dawh chu ṭha a tih thu a tarlang.

"Bogibeel lei-ah hian July 25 lei ruangam tur thir phahchhuah a ni a, rel kalna tur thir pawh phah belh zel a ni ang," tiin NF Railway official chuan a sawi.

Official chuan hna thawh dan chu ṭha thawkhata a hriat thu sawiin, mi 2100 chuangin hna an thawh mek a ni, a ti.

Bogibeel lei hi rel leh lirthei tlan theihna lei sei ber tia sawi a ni a, metre 4,940 (kilometre 4.9) a sei niin, senso-ah vaibelchhe 5,000 ruahman a ni. Assam Dibrugarh leh Dhemaji district inri-naa awm a ni a, Assam mite bakah Arunachal Pradesh mite'n an chhawr thei bawk ang. Lei hi kum 2007-a dawh zawh hman beisei a ni.