NE-a ADC te'n FM Jaitley an hmu

Khasi Hills Auto­nomous District Coun­cil (KHADC) CEM Pynshngaiñ N Syiem kaihhruaina hnuaia hmarchhak bial Autono­mous District Council (ADC) ṭangrual pawl din, Forum of Council under Sixth Scheduled (FOCUSS) palaite chuan 14th Finance Com­mission-in ADC te fund atana rawtna a siam chungchangah Union Finance Minister Arun Jaitley an hmu.

KHADC CEM Syi­em chuan he thu hi sawi­in, 14th FC-in India dan­pui Article 275 (1) tlawhchhana consolidated fund aṭanga ADC te fund pek rawtna a siam chu Finance Minister Jaitley an sawipui tih a sawi a, 14th FC-in ADC te a hrana fund a ruahmansak loh chungchang pawh an thlen thu a sawi.

Syiem chuan, "14th FC-in funding kalphung thar a siamah ADC te min telh ve loh avanga ADC te'n harsatna kan tawhte chu Jaitley kan hrilh a, state sorkar te'n ADC te hnena fund an pek chu min zawt bawk a ni," a ti.

"ADC te chu kan in­relbawlna atana state sor­karin sum min pek tlem avangin sorkar laipui chungah nasa takin kan innghat a ni," tiin Syiem chuan Finance Minister Jaitley a hrilh thu a sawi.

Hetihlai hian Article 275 (1) tlawhchhana con­solidated fund aṭanga ADC te fund pek chung­changah Jaitley chuan intiamkhamna a nei lo.

Jaitley hmutu FO­CUSS palaiah hian KHADC CEM Syiem bak­ah North Cachar Hills ADC CEM Debojeet Thao­sen leh Karbi Ang­long Autonomous Councils (KAAC) aiawh, Executive Member te an tel.